Xəzər rayonunda neft oğruları peyda olub. Bu haqda 21 iyun tarixində Report məlumat verib.
H.Z.Tağıyev adına neft-qaz çıxarma idarəsinin mədən ərazisində yerləşən neft anbarlarından bir neçə dəfə oğurluğa cəhd olub. Zamiq Məmmədzadə yeraltı neft anbarından xam neft oğurlamaq istəyərkən SOCAR-ın mühafizəçiləri tərəfindən saxlanılıb.
Əraziyə baxış keçirilərkən Z.Məmmədzadənin özü ilə gətirdiyi xüsusi nasos aşkarlanıb. Məlum olub ki, o, avtomobilində 2 tonluq çən gətirib.
Oxşar oğurluğa cəhd halı bir neçə gün öncə qeydə alınıb. Emin Bəkirov gecə saat 03:00 radələrində 99-VF-168 nömrəli “Ford” markalı avtomobil ilə xam neft oğurlamaq istəyərkən mühafizəçilər onu yaxalayıb.
Hər iki faktla bağlı araşdırma aparılır.
[caption id="attachment_49317" align="alignnone" width="986"]
Foto Report.az saytı[/caption]
