Bakının Xəzər rayonunda yanğın hadisəsi baş verib. Bu haqda bu gün, 14 oktyabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Alışma ərazidə yerləşən birmərtəbəli evdə qeydə alınıb. Ümumi sahəsi 70 kv.m olan 2 otaqlı evin 1 otağında 6 kv.m sahədə yerləşən ev əşyaları yanıb.
Hadisə yerinə FHN-in əməkdaşları cəlb olunublar. Yanğın söndürülüb. Tikilinin qalan hissəsi alovdan mühafizə olunub. Hadisə zamanı xəsarət alan olmayıb.
