Bakının müxtəlif rayonlarında qanunsuz tikinti işlərinin aparılmasının qarşısı alınıb. Bu haqda bu gün, 6 noyabr tarixində Bakuplus.az Fövqəladə Hallar Nazirliyinə (FHN) istinadən xəbər verir.
Xəzər rayonunun Binə qəsəbəsi və Zirə kəndində, həmçinin Sabunçu rayonunun Maştağa qəsəbəsində qanunsuz tikinti işlərinin aparılması aşkarlanıb. Araşdırma zamanı binaların inşası üçün müvafiq icazəverici sənədlərin olmadığı məlum olub.
FHN-in Tikintidə Təhlükəsizliyə Nəzarət Dövlət Agentliyi tərəfindən inşaatın qarşısı alınıb və obyektlər sökülüb.
