Paytaxtın iki rayonunda piyadaların iştirakı ilə avtoqəza baş verib. Bu haqda bu gün, 17 iyun tarixində Bakuplus.az Report-a istinadən xəbər verir.
Xəzər rayonu, Mərdəkan qəsəbəsində 18 yaşlı Nihad Əliyev yolu keçəndə onu avtomobil vurub. O, qapalı kəllə-beyin travması və beyin əziyi ilə xəstəxanaya yerləşdirilib.
Xətai rayonunda isə 58 yaşlı Qayıb Qayıbov qəzaya düşüb. Onun sağ ayağı qırılıb. Xəsarət alan xəstəxanaya yerləşdirilib.
Hər iki hadisə barədə araşdırmalar davam edir.
