Bakının Qaradağ rayonu, Xocəsən-Sədərək yolu ilə hərəkət edən sərnişin avtobusu alışaraq yanıb. Bu haqda bu gün, 7 mart tarixində Bizim.Media məlumat verib.
Hadisə bu gün saat 07:45-də baş verib. 596 nömrəli marşrut xətti üzrə hərəkən edən “İveco Otoyol” markalı 90-LR-327 nömrə nişanlı avtobus Xocəsən dairəsindən “Meyvəli” bazarı istiqamətinə hərəkət edərkən alışıb. İlkin məlumata görə, alışma qısaqapanma səbəbindən olub.
Hadisə yerinə polis əməkdaşları cəlb olunublar. Xəsarət alan olmayıb, avtobus yararsız hala düşüb. Yanğın qısa müddətdə söndürülüb, hərəkət bərpa olunub.
[video width="1080" height="1080" mp4="https://bakuplus.az/storage/photos/2023/03/video4.mp4"][/video]
