Xəzər rayonunda yeniyetmə qız qardaşı tərəfindən döyülüb. Bu haqda 4 iyun tarixində Bakuplus.az Bizim.media-ya istinadən xəbər verir.
Türkan qəsəbəsində 2020-ci ildə 14 yaşlı Rəna Quliyeva (şərti ad) 28 yaşlı qəsəbə sakini ilə qeyri-rəsmi nikaha girib. Azyaşlı 15 yaşında ana olub. 1 yaşında körpəsinin olmasına baxmayaraq, Rəna qəsəbədə yüngül həyat tərzi keçirib. Buna görə qeyri-rəsmi nikahda olduğu Yalçın Rəna Quliyevanı ata evinə göndərib.
Quliyevanın qardaşı Vüsal Nəcəfov kişilərlə söhbətdə təsadüfən bacısının yüngül həyat tərzi keçirməsini öyrənib və anasının evinə gedərək qızı döyüb. Vüsal bacısı haqda eşitdiyi xoşagəlməz söhbətlərdən təngə gəldiyi üçün çıxış yolunu onu döyməkdə görüb.
Döyülən Quliyeva anası ilə birgə polisə şikayət ediblər. Faktla bağlı cinayət işi qaldırılacaq.
