Yasamal rayonu, Ümid Əkbərov küçəsində işıqlandırma yoxdur. Bu haqda bu gün, 24 fevral tarixində Bakuplus.az Real TV-yə istinadən xəbər verir.
Sakinlərin sözlərinə görə, hava qaralandan sonra insanlar çölə çıxmağa qorxurlar. Çünki ərazidə heç bir işıqlandırma sistemi yoxdur. Bu da oğurluq, quldurluğa yol açır.
“Qız uşağıdır, qadındır, gecə işdən gələndə qorxurlar. Uşağım məktəbdən, universitetdən gəlir, rahat gələ bilmir. Qalır yolda”, – deyə sakinlər şikayət edirlər.
Bundan əlavə, ərazinin qaranlıq olması səbəbindən avtomobillər də burada park olunmur. Çünki gecə ilə maşınların təkərlərinə qədər oğurlaya bilərlər.
Yasamal RİH-dən məsələ ilə bağlı bildirilib ki, cari il rayon ərazisində işıqlandırma işlərinin aparılması ilə bağlı plan var. Ümid Əkbərov küçəsi də həmin planda yer alıb.
