Bakının Yasamal rayonunun Abbas Mirzə Şərifzadə küçəsi, 156 ünvanında qəza baş verən ərazidə çəkiliş aparan jurnalistlərə zor tətbiq edilib. Bu haqda bu gün, 28 fevral tarixində APA məlumat verib.
Sözügedən ünvanda "AzSamand" və "Hyundai" markalı minik avtomobilləri toqquşub. Hər iki avtomobilə ziyan dəyib.
Qəza yerinə cəlb olunan APA jurnalistləri çəkiliş apardığı zaman "AzSamand" markalı avtomobildə olan şəxslər qəza törədən şəxsin qazi olduğunu deyərək, kameraya əl atmaqla çəkiliş qrupuna mane olublar. Mübahisə zamanı kamera zədələnib.
Media nümayəndələri polisə müraciət ediblər. Polis əməkdaşları hadisə yerinə gəldikdən sonra çəkiliş qrupuna hücum edən şəxslər zədələnmiş avtomobili hadisə yerində qoyaraq ərazidən uzaqlaşıblar.
Faktla bağlı Yasamal rayon 28-ci polis bölməsində araşdırma aparılır.
[caption id="attachment_92258" align="alignnone" width="640"]
Foto Apa.az saytı[/caption]
