Bakının Yasamal rayonunda yerləşən restoranda yanğın hadisəsi baş verib. Bu haqda bu gün, 27 noyabr tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma çoxmərtəbəli yaşayış binasının birinci mərtəbəsində yerləşən restoranda qeydə alınıb. Ümumi sahəsi 240 kv.m olan obyektin mətbəxində 1 fritür aparatı və havalandırma qurğusunda yağ qalıqları yanıb.
Restoran və mənzillər yanğından mühafizə olunub. Hadisə yerinə FHN-in əməkdaşları cəlb olunublar. Yanğın söndürülüb. Xəsarət alan olmayıb.
[video width="1920" height="1080" mp4="https://bakuplus.az/storage/photos/2023/11/1701085917.mp4"][/video]
