Daxili İşlər Nazirliyi məsələ ilə bağlı açıqlama verib. Məlum olub ki, sözügedən məktəbdə şagird öz sinif yoldaşına kəsici alətlə xəsarət yetirib.
Hazırda şagirdin valideyni ilə birlikdə araşdırmalar davam edir.
10:21 - Zabratda şagirdlər arasında bıçaqlanma baş verib?
Zabratda məktəbdə şagirdlər arasında mübahisə yaranıb. Bu haqda bu gün, 25 noyabr tarixində Bakuplus.az APA-ya istinadən xəbər verir.
Hadisə qəsəbədə yerləşən 75 nömrəli tam orta məktəbdə baş verib. 7-ci sinifdə təhsil alan 2 şagird arasında mübahisə zamanı biri əlindəki naməlum əşya ilə digərinin qarın nahiyəsini cızıb.
Xəsarət alan şagird məktəbin tibb işçisi tərəfindən yoxlanılıb və ciddi bir xəsarət aşkar olunmayıb.
Daha sonra hər 2 şagirdin valideynləri məktəbə dəvət olunublar. Onların arasında qarşılıqlı anlaşma yaranıb. Valideynlər övladlarına daha ciddi nəzarət edəcəklərini bildiriblər.
