Bakının Nərimanov rayonunda, Ziya Bünyadov prospektində üç avtomobilin iştirakı ilə zəncirvari qəza baş verib. Bu haqda bu gün, 9 dekabr tarixində APA məlumat verib.
Tuneldə “Toyota Prius”un sürücüsü qəfil əyləcə basıb. Həmin zaman eyni istiqamətdə hərəkət edən eyni markalı avtomobillərin sürücüləri ara məsafəsi saxlamadıqlarına görə nəqliyyat vasitələrini həmin “Toyota”ya çarpıblar.
Qəza nəticəsində avtomobillərin birində olan sərnişin xəsarət alıb. Hər üç nəqliyyat vasitəsinə maddi ziyan dəyib.
Verilən məlumata görə, hər üç sürücü taksi fəaliyyəti ilə məşğuldur.
Faktla bağlı avtotexniki ekspertiza təyin olunub.
[URIS id=82363]
