6 nömrəli uşaq musiqi məktəbinin şagirdi "Best of the best" adlı beynəlxalq müsabiqədə mükafatlandırılıb. Bu haqda 4 mart tarixində Bakı Şəhər Mədəniyyət Baş İdarəsi məlumat verib.
Əhməd Bakıxanov adına 6 nömrəli uşaq musiqi məktəbinin fortepiano ixtisası üzrə I sinif şagirdi Ameliya Əliyeva Macarıstanda təşkil olunan "Best of the best" beynəlxalq müsabiqəsində iştirak edib. Ameliya müsabiqədə gənc pianoçu P.Wedgwoodun "Rush hour dash" əsərini məharətlə ifa edib. O, münsiflər heyətinin qərarı ilə "Diplom"la mükafatlandırılıb.
Həmçinin şagirdin müəllimi Raminə Ağayeva Diplomla təltif olunub.
Bundan əvvəl, məktəbin digər şagirdi İspaniyada təşkil olunan "World Art Games" Beynəlxalq İncəsənət Musabiqəsində "Diplom"la mükafatlandırılmışdır.
[caption id="attachment_35655" align="alignnone" width="800"] Foto Bakı Şəhər Mədəniyyət Baş İdarəsinin rəsmi saytı[/caption]
