Abdulla Şaiq adına Azərbaycan Dövlət Kukla Teatrı birpərdəli tamaşaların müsabiqəsini elan edib. Pyesdə vətənpərvərlik, işğal altında olan torpaqların azad edilməsi, 44 günlük Vətən müharibəsində Azərbaycanın şanlı Qələbəsi mövzularına toxunmalıdır. Bu haqda bu gün, 15 aprel tarixində Bakuplus.az məlumat verir.
Müsabiqənin məqsədləri gənc nəslin vətənpərvərlik tərbiyəsi, teatr səhnəsində vətənpərvərlik mövzusunda tamaşaların təqdim edilməsidir. Təşkilatçılar müəlliflərə heç bir məhdudiyyət qoymurlar. Müsabiqənin qalibi pul mükafatı alacaq, onun məbləği daha sonra açıqlanacaq.
Bununla yanaşı, müsabiqədə qalib gələn əsər əsasında hazırkı repertuara daxil olan tamaşa da səhnələşdiriləcək. Tamaşa həm də teatrın ölkə üzrə qastrol səfərlərində nümayiş etdiriləcək.
Müsabiqəyə əsərlərin qəbulu teatr mövsümünün sonuna qədər (cari ilin 15 iyuluna qədər) aparılır. Müəlliflər əsərlərini Hamida.rustamova@mail.ru elektron ünvanına göndərə, həmçinin ad və soyadını qeyd etməklə teatrın özünə təqdim edə bilərlər.
