Azərbaycanlı prodüser, rejissor Fariz Əhmədov rejissor Andrey Tarkovskiyə həsr olunmuş “Zerkalo” XVII Beynəlxalq Film Festivalının münsiflər heyətinə dəvət olunub. Bu barədə məlumat festivalın rəsmi saytında paylaşılıb.
Münsiflər heyətinə teatr və kino rejissoru, müəllim, Teatr Dram İncəsənət Məktəbinin banisi, Rusiya Federasiyasının Əməkdar İncəsənət Xadimi Anatoli Vasilyev sədrlik edəcək.
Müsabiqədə 12 ölkədən 8 film iştirak edəcək.
Fariz Əhmədov 15 dekabr 1983-cü ildə Bakıda anadan olub. ADMİU-nun Ədəbi yaradıcılıq və ekran dramaturgiyası ixtisasında və Rüstəm İbrahimbəyovun Beynəlxalq Kino Məktəbində təhsil alıb. Əhmədov 50-dən çox beynəlxalq kinofestivalın iştirakçısı və laureatıdır. 2020-ci ildən "Azərbaycanfilm" kinostudiyasının direktorudur.
