18 nömrəli tam orta məktəbdə Mirzə Fətəli Axundzadənin 210 illik yubileyi və “Şuşa İli” ilə əlaqədar xeyriyyə tamaşası nümayiş olunub. Bu haqda BakuPlus.az Bakı Şəhəri üzrə Təhsil İdarəsinə istinadən bu gün, 24 may tarixində xəbər verir.
M.F.Axundzadənin "Hekayəti-müsyö Jordan və dərviş Məstəli şah" komediyası əsasında hazırlanan xeyriyyə tamaşası məktəbin şagirdləri və həmin məktəbdə pedaqoji təcrübə keçən Bakı Slavyan Universitetinin tələbələrinin iştirakı ilə təşkil olunub.
Tamaşada Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva, şəhid anaları, qazilər, Yasamal Rayon İcra Hakimiyyəti başçısının müavini Təravət Muradova, UNİCEF-in əməkdaşı Məsmə Xeyrullayeva, müəllimlər və şagirdlər iştirak ediblər.
Tədbirdə çıxış edənlər Azərbaycan ictimai fikir tarixinin çox uca zirvəsində dayanan M.F.Axundzadə kimi böyük mütəfəkkirin əsərinin şagirdlər və tələbələrin iştirakı ilə səhnələşdirilməsini yüksək qiymətləndiriblər.
Tamaşadan əldə olunan vəsait "YAŞAT" Fonduna köçürüləcək.
[caption id="attachment_45704" align="alignnone" width="800"] Foto Bakı Şəhəri üzrə Təhsil İdarəsinin rəsmi saytı[/caption]
