Pakistanın Azərbaycandakı səfirliyi fotosərgi təşkil edib. Bu haqda bu gün, 5 fevral tarixində APA xəbər verib.
Sərgidə Cammu və Kəşmirdəki (IIOJ&K) kəşmirlilərin ağır vəziyyətini, Hindistan qüvvələrinin kişi, qadın və uşaqlara qarşı törətdiyi vəhşilikləri əks etdirən şəkillər nümayiş etdirilib.
Fotosərgi Bakının ən böyük ticarət mərkəzlərindən birində Cammu və Kəşmir mübahisəsi ilə bağlı azərbaycanlılar arasında məlumatlılıq yaratmaq məqsədi ilə təşkil edilib.
Səfir Bilal Hayee Cammu və Kəşmir mübahisəsinin ədalətli həlli məsələsində Pakistana göstərdiyi davamlı dəstəyə və həmrəyliyə görə Azərbaycan hökumətinə və xalqına təşəkkür edib.
