İdman bal rəqsləri üzrə Bakı birinciliyi və çempionatı keçirilib. Bu haqda 16 may tarixində Bakuplus.az xəbər verir.
Bakı Şəhər Gənclər və İdman Baş İdarəsinin təşkilatçılığı, Azərbaycan Respublikası İdman Rəqsləri Federasiyasının təşəbbüsü və əməkdaşlığı ilə mayın 15-də “The Club Port Baku” idman zalında "Dünya İdman Bal Rəqsləri Çempionatı" təşkil olunub. Müsabiqə 12 kateqoriyada 3 yaş qrupu (6-10, 11-15, 16-21), Avropa standart və Latın Amerika proqramı, solo ifaçıları nominasiyaları üzrə keçirilib.
Müsabiqəyə İtaliya, Braziliya və başqa ölkələrdən rəqqaslar qatılıb. Tədbirdə gənclər və idman naziri Fərid Qayıbov və nazir müavini Mariya Vasileva iştirak ediblər.
Yarışın qaliblərinə medal və diplom təqdim olunub.
