Bakıda həyata keçirilən “Mədəni gənclik” layihəsinin budəfəki ünvanı Azərbaycan Dövlət Akademik Musiqili Teatrı olub. Bu haqda BakuPlus.az Azərtac -a istinadən bu gün, 25 may tarixində xəbər verir.
Layihə Gənclərin incəsənətə marağının artırılması məqsədilə Mədəniyyət Nazirliyi tərəfidən təşkil olunub.
Tədbirdə çıxış edən Mədəniyyət Nazirliyinin əməkdaşı Cəfər Həsənov çıxış edib. Çıxışdan sonra layihə çərçivəsində teatrda “Paris Notr-Dama ithaf” tamaşası oynanılıb.
Əsərin quruluşçu dirijoru və orkestrləşdirmənin müəllifi Əməkdar incəsənət xadimi Fəxrəddin Atayevdir.
Bu dəfə tamaşada rolları Əməkdar artist Nadir Xasiyev, aktyorlar Nicat Əli, Mehriban Zaliyeva, Emin Zeynallı, Hüseyn Əlili, Səmədzadə Xasiyev, Şaban Cəfərov, Murad Əliyev, Ofeliya Məmmədova, Fərid Rzayev, Zaur Əliyev, Əli Kərimov, Cəbrayıl Cəbrayılov, həmçinin xor və balet truppasının artistləri ifa ediblər.
"Mədəni gənclik" layihəsi çərçivəsində Akademik Musiqili Teatrda ikinci tamaşa iyunun 7-də saat 19:00-da dahi Üzeyir Hacıbəylinin “O olmasın, bu olsun” komediyası olacaq.
[URIS id=45836]
