Bakıda keçiriləcək “Qadınlar fotoqrafiyada” adlı sərgiyə qeydiyyat davam edir. Bu haqda BakuPlus.az bu gün, 12 aprel tarixində xəbər verir.
Sərginin keçirilməsində məqsəd qadın fotoqrafların qadınlara aid əsərlərini sərgiləmək və satmaqla həm incəsənətdə, həm də gündəlik həyatımızda gender bərabərliyini təbliğ etməkdir.
Sərgidən əldə edilən gəlir (fotoqrafa komissiya ödənildikdən sonra) “Təmiz Dünya” Qadınlara Yardım İctimai Birliyinə ianə ediləcək.
Müraciət edənlərdən info.varyox@gmail.com elektron ünvanına ad, soyad və portfoliosundan qadınlarla bağlı çəkdiyi minimum 5, maksimum 15 ədəd foto göndərmək xahiş olunur.
Son müraciət tarixi 20 apreldir.
Layihə çərçivəsində fotoqraflara incəsənət əsərlərinin satılması üzrə art-menecer tərəfindən bir günlük təlim keçiriləcək.
