Bakıda “Xan qızı” ədəbi-bədii kompozisiyası nümayiş olunub. Bu haqda BakuPlus.az Azərtac-a istinadən bu gün, 19 may tarixində xəbər verir.
18 May - Beynəlxalq Muzeylər Günü münasibətilə keçirilən tədbir Cəfər Cabbarlı adına Azərbaycan Dövlət Teatr Muzeyində baş tutub.
Xurşidbanu Natəvanın 190 illiyinə həsr olunmuş “Xan qızı” ədəbi-bədii kompozisiyası Bakı Bələdiyyə Teatrının təqdimatında Şuşa ilinə həsr olunub.
Kompozisiya Xalq artisti Mərahim Fərzəlibəyovun rejissorluğu ilə Xalq yazıçısı, dramaturq İlyas Əfəndiyevin uzun illər Azərbaycan teatrının səhnəsində uğurla oynanılmış “Xurşidbanu Natəvan” pyesinin motivləri əsasında səhnələşdirilib.
Tədbir çərçivəsində Qarabağ mövzusuna toxunan əsərlərə çəkilmiş geyim və dekorasiya eskizlərindən ibarət sərgi ilə tanış olublar.
Sonra qonaqlar muzey əməkdaşları tərəfindən bu məzmunda hazırlanmış videoçarxa baxıblar.
