Bakı Slavyan Universitetində (BSU) şəhid məzun, 44 günlük Vətən Müharibəsi iştirakçısı Elnur Allahverdizadənin fotosərgisinin açılışı olub. Bu haqda bu gün, 27 aprel tarixində BSU-nun mətbuat xidməti məlumat verib.
Fotosərgidə Allahverdizadənin müxtəlif mövzularda “street” janrında çəkilmiş fotoşəkilləri təqdim olunub.
Tədbirdə BSU-nun elmi işlər üzrə prorektoru, professor Rafiq Novruzov, “Zəfər Şəhid Ailələrinə Dəstək” İctimai Birliyinin sədri, şəhid polkovnik-leytenant Raquf Orucovun həyat yoldaşı Sevinc Əlizadə və şəhidin valideynləri iştirak ediblər.
Təhsil şöbəsinin müdiri, Elnur Allahverdizadənin müəllimi Səbinə Tarıverdiyeva Elnurla bağlı xatirələrini bölüşərək bildirib ki, keçmiş şagirdi haqqında müəllim kimi danışmaq onun üçün çox çətindir.
Şəhid Elnur Allahverdizadə Prezident İlham Əliyevin müvafiq sərəncamları ilə “Vətən uğrunda”, “Xocavəndin azad olunmasına görə” və “Cəsur döyüşçü” medalları ilə təltif edilib.
O, 2016-cı ildə Belarus Dövlət Universitetinin Tərcümə fakültəsini Çex dili ixtisası üzrə bitirib.
[URIS id=42358]
