Bakı Xoreoqrafiya Akademiyasının tələbələri beynəlxalq festivalda mükafata layiq görülüblər. Bu haqda bu gün, 4 mart tarixində Bakuplus.az Mədəniyyət Nazirliyinə istinadən xəbər verir.
İsveçin Stokqolm şəhərində onlayn formatda keçirilən “AURORA” ifaçılıq və bədii sənət üzrə II beynəlxalq müsabiqə-festivalda “Bakının ulduzları” rəqs ansamblı milli rəqs nominasiyasında Qrand-Prix mükafatına layiq görülüblər.
Həmçinin, tam orta məktəb şagirdləri Əmirsalamova Şirin, Bernadina Liana və Dəmirova Leyla klassik rəqs nominasiyasında I dərəcəli Laureat ilə mükafatlandırılıblar.
18 ölkənin iştirak etdiyi müsabiqədə Azərbaycanı yalnız Bakı Xoreoqrafiya Akademiyası təmsil edirdi.
