Bakı Xoreoqrafiya Akademiyasının tələbələrinin təqdimatında yeni tamaşa nümayiş olunub. Bu haqda 11 aprel tarixində Akademiya xəbər verib.
Dövlət Təhlükəsizlik Xidmətinin Mədəniyyət Mərkəzində Bakı Xoreoqrafiya Akademiyasının tam orta təhsil pilləsinin şagirdləri və orta ixtisas təhsil pilləsinin tələbələrinin iştirakı ilə “Xoreoqrafiya süitası” adlı tamaşa təqdim olunub.
Tamaşa zamanı dünya bəstəkarlarının klassik əsərləri əsasında müxtəlif rəqs nömrələri göstərilib. Xoreoqrafik tamaşanın bədii rəhbəri BXA-da rektor vəzifəsini müvəqqəti icra edən Əməkdar artist Nailə Məmmədzadə, quruluşçu-xoreoqrafı Əməkdar müəllim Pellumb Aqalliyay, xoreoqraf-repetitoru isə Pərvin Nəcəfovadır.
[URIS id=40247]
