Xəzər rayonunda yerləşən Mədəniyyət və İncəsənət üzrə Bakı Dövlət Peşə Təhsili Mərkəzində Avropa İttifaqının maliyyələşdirdiyi və BMT İnkişaf Proqramının Peşə Təhsili üzrə Dövlət Agentliyi ilə birgə həyata keçirdiyi “Açıq qapı” layihəsi aprelin 22-də təşkil olunub.
Tədbirdə Xəzər Rayon İcra Hakimiyyətinin başçısı Elşən Salahov, BMT-nin İnkişaf Proqramının rezident nümayəndəsi Çaru Bista, YAP Xəzər rayon təşkilatının sədri Namiq Əhmədov, peşə təhsili mərkəzlərinin yuxarı sinif şagirdləri, valideynlər, müəllimlər və özəl sektorun nümayəndələri iştirak ediblər.
Ziyarətçilər peşə təhsili mərkəzləri tələbələrinin əl işlərindən ibarət sərgiyə baxış keçiriblər. Daha sonra onlar bir sıra təhsil müəssisələrin mövcud avadanlıq və xidmətləri ilə tanış olub, qəbul qaydaları haqqında ətraflı məlumat alıblar.
Sonda qonaqlar peşə təhsili mərkəzini müvəffəqiyyətlə bitirmiş məzunlarla tanış olub, onlarla karyera perspektivləri haqda müzakirə aparıblar.
[URIS id=41774]
