Bu gün aktrisa Zemfira Əbdülsəmədova 61 yaşını qeyd edir

Bu gün aktrisa Zemfira Əbdülsəmədovanın doğum günüdür.

Zemfira Feyzulla qızı Əbdülsəmədova 15 mart 1961-ci ildə Bakı şəhərində anadan olub. 1978-ci ildə Azərbaycan Dövlət İncəsənət İnstitutunun "Teatr və kino aktyorluğu" fakültəsini bitirib.

1982-ci ildə təyinatla Şəki Dövlət Dram Teatrının aktyor truppasına daxil olub. Daha sonra, 1985-ci ildə Şıxəli Qurbanov adına Musiqili Komediya Teatrında işə dəvət olunur. Teatrda ilk rolu mərhum sənətkar Vaqif İbrahimoğlunun quruluşunda Fikrət Əmirovun "Gözünüz aydın" musiqili komediyasında Gülər obrazı olur.

1989-cu ildə mərhum sənətkar Hüseynağa Atakişiyevin dəvəti ilə Gənclər Teatrında işə başlayır və 2006-cı ilə kimi bu teatrda bir-birindən maraqlı obrazlar yaradır.

2015-ci ildən Azərbaycan Dövlət Gənc Tamaşaçılar Teatrının aktrisasıdır. Teatrla yanaşı pedaqoji fəaliyyətlə məşğuldur, Azərbaycan Milli Konservatoriyası tərkibində Respublika İncəsənət Gimnaziyasında aktyor və rejissor sənətindən dərs deyir.

Zemfira Əbdülsəmədova bir çox filmlərdə uğurlu rolları ilə izləyicilərin rəğbətini qazanmışdır:

• Yuxu (film, 2001) — Sənubər


• 3 bacı (film, 2012-2014) (bədii serial) — Xədicə


• Ağabəyovlar (film, 2012-2014) — Gövhər


• Pərvanələrin rəqsi (teleserial, 2012) — Gülnigar


• Həyat varsa... (serial, 2012-2014) — qaynana


• Qisas (teleserial, 2014) — ana


• Qardaşlar (teleserial, 2015) — Reyhan


• Cehizsiz gəlinlər (teleserial, 2016)


• Pərdə (film, 2016)


• Ögey ana (teleserial, 2017)


• Təhmin və Zaur (film, 2018)


• Taxta Ayı (film, 2018)


• Qara Yazı (teleserial, 2019)


• Taksi Liza (film, 2019)


• Mən burda tək olmuşam (film, 2020)


• Kəndinə Gəl (film, 2020)


• Asəf (film, 2021)