Bu gün Azərbaycan SSR əməkdar artisti Məmmədağa Dadaşovun ad günüdür.
Məmmədağa Ağakərim oğlu Dadaşov 1912-ci ildə Bakıda anadan olub.
Aktyor komediya, faciə, dram əsərlərində və nağıl-tamaşalarda müxtəlif səciyyəli rolları canlandırıb. İzləyicilərin ən çox yadda qalan “Əmək və qızılgül”, “General”, “Dədə Qorqud”, “Yol əhvalatı” və “Köç” filmlərində oynadığı rollardır.
Aktyor "Azərbaycan SSR-nin Əməkdar artisti" fəxri adına layiq görülüb. O, Azərbaycan Respublikasının Əməkdar artisti Kübra Dadaşovanın və Rauf Dadaşovun atası, aktrisa Təhminə Məmmədovanın babasıdır.
Məmmədağa Dadaşov dekabrın 3-ü 1996-cı ildə Bakıda vəfat edib.
