Bu gün bəstəkar İlyas Mirzəyevin ad günüdür. Bu haqda 11 may tarixində Bakuplus.az məlumat verir.
İlyas Musa oğlu Mirzəyev 11 may 1961-ci ildə Bakıda, görkəmli bəstəkar Musa Mirzəyevin ailəsində dünyaya gəlib. Bülbül adına Orta İxtisas Musiqi Məktəbində, Üzeyir Hacıbəyli adına Azərbaycan Dövlət Konservatoriyasının Bəstəkarlıq fakültəsində təhsil alıb.
Mədəniyyət xadimi yaratdığı bir çox bəstələrlə yadda qalıb:
- caz orkestri üçün 2 pyes: “Blue, red, green”, “The flight in the dreams and reality” (1990);
- fleyta və piano üçün sonata (1991);
- 4 trombon üçün “İ.Baxın ad gününə kiçik hədiyyə” (1992);
- simfonik orkestr üçün musiqi (1994);
- ney və simfonik orkestr üçün “Mistik simfoniya” (1999);
- skripka və piano üçün “2000-ci il” sonatası (2000);
- skripka və orkestr üçün konsert-poema (2000);
- caz ansamblı üçün kompozisiyalar (1990–2001).
Həmçinin sənətkar “Əndazədən çıxanda” (1988, animasiya filmi), “Hücum” (1989, qısametrajlı bədii film), “Dənizlə danışan adam” (2010, qısametrajlı sənədli televiziya filmi), “Ağ-qara gecələr” (2013, tammetrajlı bədii film) kimi ekran əsərlərinə musiqi bəstələyib.
