Görkəmli kinorejissor, Xalq artisti Yalçın Əfəndiyevin 85 illik yubileyi ilə əlaqədar onun yaratdığı iki sənədli film bərpa edilib. Bu haqda bu gün, 23 may tarixində APA məlumat verib.
“Bakı haqqında on dəqiqə” və “Yusif Məmmədəliyev” filmlərinin bərpası Dövlət Film Fondu tərəfindən həyata keçirilib.
Yalçın Əfəndiyev 24 iyul 1937-ci ildə Bakıda anadan olmuşdur. Əfəndiyev "Azərbaycanfilm" kinostudiyasında çalışmış, Azərbaycan Dövlət Mədəniyyət və İncəsənət Universitetində dərs demişdir. O, 10 dekabr 2019-cu ildə Bakıda vəfat etmiş, İkinci Fəxri Xiyabanda dəfn olunmuşdur.
