İyunun 25-də Heydər Əliyev Mərkəzində “Muğam aləmi” VI Beynəlxalq Musiqi Festivalı çərçivəsində yekun konsert baş tutub. Bu haqda bu gün, 26 iyun tarixində Bakuplus.az Report-a istinadən məlumat verir.
Festival 18-25 iyun tarixlərində Heydər Əliyev Fondu və Mədəniyyət Nazirliyi tərəfindən Elm və Təhsil Nazirliyi, Azərbaycan Milli Konservatoriyasının dəstəyi ilə təşkil olunub.
8 gün ərzində Bakının müxtəlif yerlərində, eləcə də ölkənin mədəniyyət paytaxtında - Şuşada müxtəlif ölkələri təmsil edən gənc və peşəkar muğam ifaçılarının konsertləri təşkil olunmuş, beynəlxalq simpozium və beynəlxalq muğam müsabiqəsi keçirilmişdir.
“Muğam aləmi” Beynəlxalq Musiqi Festivalı Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın dəstəyi və himayəsi ilə keçirilir.
