“Koroğlu“ operası 85 illiyi münasibətilə səhnəyə qoyulacaq. Bu haqda 6 aprel tarixində APA məlumat verib.
Opera və Balet Teatrında aprelin 30-da “Koroğlu“ operası səhnəyə qoyulacaq. Koroğlu partiyasını Azərbaycan Dövlət Akademik Opera və Balet Teatrının aparıcı solisti, Respublikanın Əməkdar artisti Ramil Qasımov ifa edəcək.
Tamaşada, həmçinin Əməkdar artistlər İlahə Əfəndiyeva (Nigar), Cahangir Qurbanov (Həsən xan), Tural Ağasıyev (Həmzə bəy), Xalq artistləri Əli Əskərov (Vəzir), Əkrəm Poladov (Alı), Fidan Hacıyeva (Xanəndə qız) və başqaları çıxış edəcəklər. Opera tamaşasını Əməkdar artist Əyyub Quliyev idarə edəcək.
"Koroğlu" — Azərbaycanın böyük bəstəkarı Üzeyir Hacıbəyov tərəfındən bəstələnmiş beş pərdəlik operadır. "Koroğlu" operası ilk dəfə 1937-ci il aprelin 30-da Azərbaycan Dövlət Akademik Opera və Balet Teatrında tamaşaya qoyulub.
