Bakının “Artım” layihə məkanında dekabrın 22-də amerikalı məşhur rejissor Devid Linçin “Göy məxmər” filminin təqdimatı olacaq. Bu haqda bu gün, 19 dekabr tarixində Azərtac məlumat verib.
“SAFEZONE” qrup sərgisi çərçivəsində nümayiş olunacaq film ingilis dilində, Azərbaycan dilində subtitrlərlə təqdim ediləcək.
Atasının xəstəliyi ilə əlaqədar olaraq Cefri Bomont müvəqqəti olaraq paytaxt kollecini tərk edərək doğma şəhərinə qayıtmağa məcbur olur və o, bir sıra müəmmalı və dəhşətli hadisələrlə qarşılaşmalı olub. Hər şey onunla başladı ki, o, evdən bir qədər aralıda insan qulağı tapır və onu polis müfəttişi Uilyamsa təhvil verir.
Filmin təqdimatına giriş sərbəstdir.
