Nizami Kino Mərkəzində “Monumental həyat" sənədli filminin təqdimatı olub. Bu haqda BakuPlus.az Azərtac -a istinadən bu gün, 26 may tarixində xəbər verir.
Azərbaycanın tanınmış heykəltəraşı, Xalq rəssamı Fuad Əbdürrəhmanova həsr olunan filmin təqdimatından əvvəl foyedə heykəltəraşın işlərindən ibarət sərgiyə baxış keçirilib.
Mədəniyyət Nazirliyi və Azərbaycan Dövlət Rəssamlıq Akademiyasının təşkilatçılığı ilə çəkilən filmin Azərbaycan çəkilişləri Bakıda, Gəncədə və Şəkidə, daha sonra isə Sankt-Peterburq, Moskva, Düşənbə və Brüsseldə aparılıb.
Çəkilişlər zamanı Azərbaycan Dövlət Arxiv İdarəsinin, Azərbaycan Dövlət Televiziyasının və Dövlət Film Fondunun arxivlərindən istifadə olunub.
Tədbir zamanı F.Əbdürrəhmanovun yaradıcılığı barəsində də ətraflı məlumat verilib.
[URIS id=45950]
