G.Şaroyev adına 35 nömrəli onbirillik musiqi məktəbinin şagirdləri Qazaxıstanda təşkil olunmuş “Euro Stars” II Beynəlxalq İncəsənət Müsabiqəsində fərqləniblər. Bu haqda BakuPlus.az Azərtac-a istinadən bu gün, 26 aprel tarixində xəbər verir.
“Astana Stars” Beynəlxalq Festival layihəsi çərçivəsində İngiltərə, Avstriya, İtaliya və Qazaxıstanın təşkilatçılığı ilə keçirilən müsabiqədə tar ixtisası üzrə IX sinif şagirdi Sübhan Məmmədzadə, XI sinif şagirdi Nəzir Əhmədov (müəllim Qüdrət Məmmədov, konsertmeyster Nərmin İsgəndərova), viola ixtisası üzrə XI sinif şagirdi Nargilə Əliyeva iştirak ediblər.
Nəzir Əhmədov və Sübhan Məmmədzadə I dərəcəli, Nargilə Əliyeva isə II dərəcəli diplomla təltif olunub. Müəllim və konsertmeysterlər isə təşəkkürnamə məktubu alıblar.
[URIS id=42071]
