Həkim və rəssam Rauf Canibəyov iki əsərini (“İçərişəhər 2”, “İçərişəhər 4”) Milli Azərbaycan Tarixi Muzeyinin Təsviri Materiallar Fonduna təhvil verib. Bu haqda bu gün, 17 may tarixində Azərtac məlumat verib.
R.Canibəyovun bir rəssam kimi yaradıcılığının əsas hissəsi Bakı ilə bağlıdır. Muzeyə hədiyyə etdiyi hər iki əsərində o, İçərişəhəri özünəməxsus şəkildə təsvir etməyə nail olub.
Daha öncə, aprelin 8-dən 15-dək Milli Azərbaycan Tarixi Muzeyində Rauf Canibəyovun “Köhnə Bakı fırçasının xatirəsinə” adlı fərdi sərgisi keçirilib.
