Azərbaycanın əməkdar artisti, pianoçu, bəstəkar və aranjimançı İsfar Sarabski Almaniyanın "Deutscher Jazzpreis" caz mükafatına namizədlər sırasında olub. Bu haqda mükafatın saytında məlumat yayılıb.
İsfar Sarabski “Planet” albomu ilə İlin Debüt Albomu (“Debut Album Of The Year”) nominasiyasında mükafata namizədlər sırasında olub.
Mükafatlandırma mərasimi aprelin 27-də baş tutacaq.
İsfar Sarabskinin “Planet” albomu dünyaca məşhur musiqi şirkəti “Warner Music Group” ilə birgə yazılıb və 2021-ci ilin 30 aprel tarixində qeyd olunan Beynəlxalq Caz Günündə işıq üzü görüb.
Sarabski elektron musiqi janrında çalışan ilk azərbaycanlı cazmen və musiqiçi olub və Warner Music Group ilə iş müqaviləsi bağlayıb.
