Azərbaycan Milli Xalça Muzeyində silah ustası Emin Məmmədovun muzeyə hədiyyə etdiyi silah nümunələrinin təqdimatı keçirilib. Bu barədə martın 3-də APA məlumat yayıb.
Tədbirdə Mədəniyyət naziri Anar Kərimov, o cümlədən mədəniyyət və ictimaiyyət nümayəndələri iştirak ediblər.
Muzeyin direktoru Şirin Məlikova silah-sursat müəllifi Emin Məmmədovun yaradıcılığından danışıb, onun bu yaxınlarda YUNESKO-dan “Unikal sənətkar” sertifikatı aldığını qeyd edib.
Mədəniyyət naziri Anar Kərimov müəllifin tarixi və unudulmuş sənəti ilə yaşadığını, vətənindən kənarda yaşamasına baxmayaraq onu yaşatdığını vurğulayıb.
Rəsmilərin çıxışlarından sonra qonaqlar silah nümunələri ilə tanış olublar.
