Türkiyəli müğənni Edis Azərbaycanda rekorda imza atıb. Bu barədə Olay.az məlumat verib.
Martın 14-də türkiyəli məşhur ifaçı Edisin Bakı konsertinin biletləri satışa çıxıb və 6 saat ərzində 1000-dən çox bilet satılıb. Bununla da müğənni Azərbaycanda bir ilkə imza atıb.
İticket.az-da satışa buraxılan 15 manatdan 40 manatadək olan biletlər tükənib, zalın ilk üç sırasında dəyəri 190 manat olan yerlərin də 90%-i satılıb.
Həmçinin 3500 nəfərlik tutumu olan Bakı Konqres Mərkəzinin ikinci mərtəbəsində yerləşən yerlərin 90%-i satılıb.
Edisin konserti mayın 7-si Bakı Konqres Mərkəzində baş tutacaq. O, Bakıya rəqqasları da daxil olmaqla 30 nəfərlik komandası ilə gələcək.
