Kənd Təsərrüfatı Nazirliyi tərəfindən “Kənddən Şəhərə” həftəsonu yarmarkası təşkil olunacaq. Bu haqda BakuPlus.az nazirliyin mətbuat xidmətinə istinadən bu gün, 17 noyabr tarixində xəbər verir.
19-20 noyabr tarixlərində keçiriləcək “Kənddən Şəhərə” həftəsonu yarmarkalarında ümumilikdə 80-ə yaxın fermer 50-yə yaxın regionu təmsil edəcək. Fermerlər 90-a yaxın çeşiddə kənd təsərrüfatı və qida məhsullarını satışa çıxaracaqlar.
Fermerlər yarmarkalarda tamamilə ödənişsiz şəkildə iştirak edəcəklər.
Onlar piştaxta, tərəzi, soyuducu və digər lazımi ləvazimat və avadanlıqlarla təmin olunacaqlar. Həmçinin məhsullarının daşınmasında çətinlik çəkənlərə logistik dəstək göstərilərək məhsulları təsərrüfatlarından birbaşa yarmarka keçirilən ünvanlara daşınacaq.
Məhsulların kеyfiyyətinə Azərbaycan Qida Təhlükəsizliyi Agentliyi nəzarət edəcək.
Paytaxtdakı yarmarka Nərimanov rayonu, Fətəli xan Xoyski küçəsi, 5 ünvanında, “Gənclik” metro stansiyasının çıxışında fəaliyyət göstərəcək.
[caption id="attachment_79493" align="alignnone" width="640"]
Foto Kənd Təsərrüfatı Nazirliyinin rəsmi saytı[/caption]
