Bakıda növbəti ödənişsiz təlimlərə start verilir. Bu haqda 23 sentyabr tarixində Bakuplus.az Sabunçu Gənclər Evinə istinadən məlumat verir.
Sabunçu Gənclər Evi sentyabr ayından etibarən 2 ay müddətində, həftədə 2 dəfə 90 dəqiqə olmaqla "Əsas Həyat Bacarıqları 2" adlı təlimlər təşkil edəcək. Layihə çərçivəsində 16 müxtəlif mövzuda təlim keçiriləcək. Təlimlərin sonunda iştirakçılar sertifikat ilə təltif olunacaqlar.
İştirak edənləri aşağıdakı təlimlər gözləyir:
- Stresin idarə olunması;
- Emosional tənzimləmə;
- Müsbət düşünmə;
- Özünü qiymətləndirmə;
- Empatiya;
- Dinləmə bacarıqları;
- Şəxslərarası effektivlik;
- Mübahisələri həlletmə;
- Münasibətlərin idarəedilməsi;
- İnamlı ünsiyyət;
- Məqsədi müəyyənləşdirmə;
- Qərar qəbuletmə;
- Problem həlletmə;
- Tənqidi və kreativ düşünmə;
- İcraetmə bacarıqları;
- Davamlılıq.
Təlim 14-25 yaş arası gənclər üçün nəzərdə tutulub. İştirak etmək üçün 30 sentybara kimi (+994) 12 454 91 48 nömrəsi ilə əlaqə saxlayıb qeydiyyatdan keçmək lazımdır.
