Paytaxtın Səbail rayonu, Rostropoviçlər küçəsində yerləşən yaşayış binasının 1-ci mərəbəsində pilləkən yoxdur. Bu haqda bu gün, 5 yanvar tarixində Bakuplus.az ATV-yə istinadən məlumat verir.
12 mərtəbəli bina "Pilot Residence" MTK tərəfindən inşa edilib. Sakinlər iddia edirlər ki, mənzil alarkən onlara tam başqa layihə təqdim edilib. Hal-hazırda pilləkənin olmaması səbəbindən sakinlər liftin ümidinə qalıblar.
"Pilot Residence" MTK-nın nümayəndəsi Toğrul Bağırov bildirdi ki, onlar pilləkəni sökməyiblər. Öncədən sənədlərdə belə təqdim olunub. Müvəqqəti olaraq digər blokdan körpü qoyulub.
MTK nümayəndəsi, həmçinin qeyd etdi ki, sakinlərin yuxarı mərtəbəyə rahat qalxması üçün yaxın vaxtlarda pilləkən inşa ediləcək.
Aidiyyəti qurumlardan isə bildirildi ki, məsələ bayramlardan sonra araşdırılacaq.
