Paytaxtın Səbail rayonu, Həsən Seyidbəyli küçəsində iki həftə öncə Çəmbərəkənd parkı istifadəyə verilib. Park bütün yaş qrupları üçün nəzərdə tutulub, lakin həmin ərazidə heç bir piyada keçidi yoxdur. Bu haqda 23 iyun tarixində ARB Xəbər reportaj hazırlayıb.
Parka uşaqlar daha çox gəlir. Mehdi Hüseyn istiqamətində işıqfor daim yaşıl işıqda yanır və, təbii ki, bu onların həyatı üçün xüsusi təhlükə doğurur.
Nəqliyyat eksperti, Elməddin Muradlı: “Mən özüm dəfələrlə şahid olmuşam ki, xüsusən həftəsonları işıqforun qırmızı işığı yananda bircə ondan istifadə edirlər və yolun şaxələnən hissəsini birdən keçirlər. Bir tərəfdə işıqfor qırmızı yanırsa keçirlər, qalırlar yolun ortasında, çünki digər tərəfdən yaşıl yanır, avtomobillər hərəkət edir”.
Amma parkın problemi təkcə piyada zolağı ilə yekunlaşmır. Sözügedən ərazidə nə avtomobil parklanması üçün yer, nə də avtobus dayanacağı var.
“Avtobusla gəliriksə, Şəhidlər Xiyabanının yanında düşməliyik, 500 metr, bəlkə də çox məsafəni qət edib piyada gəlməliyik. Digər tərəfdən də başqa bir avtobus dayanacağında, İçərişəhər metro stansiyası tərəfə gedəndə avtobusdan düşdüzsə, yenə təxminən 200 metr qabağa getməlisiniz, orada hamamın yanından piyada keçidindən istifadə edib səkiyə qalxmalısınız və yenə piyada gəlib o parka daxil olmalısız” - deyə Elməddin Muradlı qeyd edib.
Bakı Nəqliyyat Agentliyindən (BNA) bildirilib ki, Nərimanov heykəlinin dayanacağı istiqamətində parka giriş üçün piyada keçidi mövcüddur. Parka sakinlərin digər istiqamətlərdən rahat daxil olması üçün hazırda müvafiq layihələr hazırlanır və gələcəkdə bununla bağlı müvafiq addımlar atılacaq.
[caption id="attachment_49773" align="alignnone" width="800"] Foto ARB24-ün rəsmi Youtube kanalı[/caption]
