13 yaşlı Məhəmmədəli Fərid oğlu Yeqanov qəza nəticəsində həyatını itirib.
İnsanoid.com xəbər verir ki, bu barədə yeniyetmənin sinif yoldaşları sosial şəbəkələrdə paylaşım ediblər.
Məhəmmədəli Yeqanov Bakının Xətai rayonunda yaşayıb. O, 27 nömrəli tam orta məktəbin 8d sinfində rus bölməsi üzrə təhsil alıb. Yeniyetmənin atası azərbaycanlı, anası isə çeçen xalqının nümayəndəsidir. Ata və anası ayrı olduğu üçün Məhəmmədəli Yeni il bayramını qeyd etmək məqsədilə Bakıdan Qroznı şəhərinə yola salınıb.
Məlumata görə, Məhəmmədəli Qroznıya tək səyahət edirmiş.
***
10:07
Ötəngünkü təyyarə qəzasında həyatını itirənlərdən biri də məktəblidir.
Bakuplus.az xəbər verir ki, bununla bağlı onun təhsil aldığı Xətai rayonunda yerləşən 27 nömrəli tam orta məktəb paylaşım edib.
Qeyd edilib ki, məktəbin 8d sinif şagirdi Yeganov Məhəmmədəli Fərid oğlu dünən xəstəxanada dünyasını dəyişib.
Məhəmmədəlinin 13 yaşı olduğu bildirilir.
Xatırladaq ki, Aktau yaxınlığında AZAL-ın təyyarəsinin qəzaya uğraması nəticəsində 38 nəfər həlak olub. 29 nəfər, o cümlədən iki uşaq xəsarət alıb.
