“Qardaşım rəhmətə gedəndə bilməmişəm, səhəri gün deyiblər mənə. Aylar öncədən toy danışmışdıq. O rəhmətə gedəndə toyda olmuşam, yoldaşım deməyib mənə. Gecə toy bitib, zəng edib ki, Nazənin, həyatdır, hər şeyə hazırlıqlı olmaq lazımdır, sən evimizə gəlmə, get rayona, qardaşın rəhmətə gedib”.
Lent.az xəbər verir ki, bu fikirləri müğənni Nazənin teleproqramlardan birində səsləndirib.
“Anamla atamın da ölüm xəbərini toyda almışam. Hər ikisində də eyni şadlıq sarayında toyda idim. Müğənnilik də bütün peşələr kimi bir peşədir. Bizim də dərdimiz-qəmimiz olur. Lakin sonradan yenidən işimizə davam etmək məcburiyyətindəyik”, - o qeyd edib.
