Xalq artisti Ağadadaş Ağayevin cinayət işi üzrə məhkəmə prosesi keçirilib.
"Report" xəbər verir ki, Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə Xalq artisti iştirak etməyib.
Zərərçəkən şəxs Nurəddin Cəlilovun nümayəndəsi vəsatət verərək Ağdadaş Ağayevin həbs edilməsini tələb edib. Hakim vəsatəti təmin etməyib.
Növbəti proses noyabrın 14-də keçiriləcək.
Qeyd edək ki, bu ilin iyul ayında xalq artisti Ağadadaş Ağayevlə “Medera Hospital”ın mühafizəçisi Nurəddin Cəlilov arasında insident baş verib. Ağadadaş Ağayev mübahisə etdiyi mühafizəçiyə balta atıb, balta klinikada çalışan təmizlikçi Nəzakət Paşayevaya dəyərək xəsarət yetirib. Paşayeva cinayət işində zərərçəkən qismində tanınıb. Xalq artisti isə Cinayət Məcəlləsinin 221.3-cü (xuliqanlıq- 221.3-cü (silah qismində istifadə olunan əşyalardan istifadə etməklə törədildikdə) maddəsi ilə təqsirli bilinir.
