Yanvarın 13-də saat 8 radələrində Abşeron rayonu Pirəkəşkül qəsəbəsi ərazisində külək turbinlərinin quraşdırma işləri zamanı 2003-cü il təvəllüdlü Hindistan vətəndaşı Harı Prakashinin almış olduğu xəsarətlərdən xəstəxanada ölməsi, həmyerlisi 1982-ci il təvəllüdlü Thattaru Padikkalın isə xəsarətlər alaraq xəstəxanaya yerləşdirilməsi faktı ilə bağlı Abşeron rayon prokurorluğunda araşdırma aparılır.
Bu barədə Bakuplus.az-a Baş Prokurorluğun Mətbuat xidmətindən bildirilib.
***
12:40
Fəhlələrdən birinin ölməsi, birinin isə ağır yaralanması ilə nəticələnən hadisə Qobustan rayonu Çaylı kəndində "Sarens" şirkətinə məxsus zavodda baş verib.
Bu barədə Bakuplus.az-a məlumat verən mənbə onu da əlavə edib ki, hadisə nəticəsində dünyasını dəyişən şəxs Pakistan deyil, Hindistan vətəndaşıdır.
Sumqayıt24.az ölən şəxsin fotosunu əldə edib. Fotonu təqdim edirik:
***
11:30
Abşeronda zavodların birində faciə baş verib.
Bakuplus.az xəbər verir ki, beton hasarın aşması nəticəsində bir Pakistan vətəndaşı ölüb, digəri ağır yaralanıb.
Ölən Pakistan vətəndaşı 2003-cü il təvəllüdlü Harı Prakashdır. Onun xəstəxanada dünyasını dəyişdiyi bildirilir.
Digər fəhlə isə Sumqayıtda xəstəxanaya yerləşdirilib.
Faktla bağlı araşdırma aparılır.
