ABŞ-ın Kaliforniya ştatında, xüsusən də ştatın cənubunda yerləşən Los-Ancelesdə tüğyan edən meşə yanğınları davam etməkdədir.
Bu yanğınlarda artıq 40 nəfər həyatını itirib.
ABŞ-də yaşayan və təhsil alan həmyerlilərimiz də az deyil.
Bəs görəsən, yanğın baş verən Kaliforniya ştatında neçə azərbaycanlı tələbə təhsil alır?
Məsələ ilə bağlı Bakuplus.az-ın əməkdaşı Elm və Təhsil nazirliyinə sorğu ünvanlayıb.
Elm və Təhsil nazirliyinin mətbuat xidmətindən sorğuya cavab olaraq bildirilib ki, xaricdə təhsil üzrə Dövlət Proqramı çərçivəsində hazırda Kaliforniya ştatında təhsil alan tələbə yoxdur.
Xatırladaq ki, Los-Ancelesdə meşə yanğınlarının söndürülməsi işləri davam edir, külək alovu gücləndirir, xilasetmə qruplarında su çatışmazlığı müşahidə olunur. Yanğınlar səbəbindən ştatda böyük təbii fəlakət rejimi elan edilib.
Nəzrin Vahid
