Azərbaycan Tibb Universitetində (ATU) tələbələrin şortik geyinməsinə qadağa qoyulub. Bu haqda məlumat bu gün, 8 iyun tarixində “Azərbaycan Universitetləri” Facebook səhifəsində paylaşılıb.
“İctimai qaydalara uyğun olaraq, Əsaslı kitabxanaya qısa şalvarda (şortikdə), maykada gəlmək qəti qadağandır!” - məlumatda bildirilir.
ATU-nun mətbuat xidmətinin rəhbəri bildirib ki, elanda qeyri-adi heçnə yoxdur: “Bu qayda tamamilə etikdir, cəmiyyətin qaydalarına bir dəvətdir. Cəmiyyətdə, hətta ən adi ictimai yerlərdə geyim qaydalarına uyğun normativlər var. Bura da təhsil müəssisəsidir, daxili nizam-intizam qaydaları var. Bu qaydalara uyğun olaraq, müəyyən məsələlərin tənzimlənməsi normal haldır. Biz bu məsələyə də tələbələrin dərsə davamiyyəti kimi baxırıq”.
