Azərbaycan və Türkiyə prezidentləri “TeknoFest”-ə qatılıbar. Onlar öz fikirlərini söyləyiblər. Bu haqda bu gün, 28 may tarixində Bakuplus.az xəbər verir.
Birinci Nobel mükafatı laureatı Əziz Səncər türk gənclərinə ismarıc yollayıb:
"Gördüyünüz işlərə qarşı duyğunuzun, hisslərinizin ölməsinə icazə verməyin. Fatih Sultan Mehmetin İstanbulu fəth edərkən "ya mən səni alacam, ya sən" dediyi kimi israrla çalışın. Vətəninizi sevməkdən heç zaman vaz keçməyin. Mənim üçün ən önəmli şeylərdən biri Türk dünyasının inkişafı və türk gənclərinin elmdə ən ön sıralarda yer almasıdır".
Daha sonra “Baykar Makina” şirkətinin texniki direktoru Səlcuq Bayraqdar çıxış edib:
“Prezident İlham Əliyev və Prezident Rəcəb Tayyib Ərdoğan başda olmaqla, dəstəyini əsirgəməyən hər kəsə təşəkkür edirəm. Azərbaycanın Müstəqillik Günü mübarək olsun. Eşq olsun Azərbaycana! Qoy dünya türkün gücünü görsün və yerini bilsin”.
Azərbaycan prezidenti İlham Əliyev qonaqları salamlayıb:
“Bu gün Azərbaycanda bayram günüdür. Müstəqillik Günüdür. Ən əziz bayramdır. Əziz qardaşımın bizimlə bərabər olması ikiqat bayramdır. Bütün qonaqları səmimiyyətlə salamlayıram”
Ən son Türkiyə prezidenti Rəcəb Tayyib Ərdoğan öz fikirlərini bildirib və Əhməd Cavadın şeirini söyləyib.
“Qarabağ deyən zaman ürəkləri titrəyən 85 milyon nəfərin salamını gətirmişəm. Şəhidimiz Xudayarın türkü söylədiyi diyarlara salam və sevgimi göndərirəm”.
“Mən türk övladıyam, dərin ağlım, zəkam var.
Nə vaxtacan çiynimizdə gəzəcək yağılar?
Nə qədər ki, hakimlik var, məhkumluq var, mən varam.
Zülmə qarşı üsyankaram, əzilsəm də, susmaram”.
Çıxışlardan sonra festival çərçivəsində keçirilən müxtəlif müsabiqələrin qalibləri mükafatlandırılıb.
[caption id="attachment_46278" align="alignnone" width="800"]
Foto Bakuplus.az[/caption]
