“Zığ” Gəmi Təmiri və Tikintisi Zavodunda daha bir tanker əsaslı təmir olunub. Bu haqda bu gün, 23 fevral tarixində Bakuplus.az “Azərbaycan Xəzər Dəniz Gəmiçiliyi” QSC-nə istinadən xəbər verir.
Gəminin sualtı və suüstü hissələri, maşın şöbəsindəki mexanizmlər, baş göyərtəsi təmizlənərək rənglənib. Yeni borular quraşdırılıb, elektrik-quraşdırma işləri yerinə yetirilib.
Su nəqliyyatı dəniz sınaq yoxlanışından uğurla keçib və yaxın günlərdə Türkmənistandan xam neftin daşınmasına cəlb ediləcək.
“Zəngəzur” tankerinin uzunluğu 149,9, eni 17,3 metr, tam yükgötürmə qabiliyyəti 13,8 min tondur.
