İctimai nəqliyyatın qiyməti qalxdı. Bu haqda bu gün, 31 yanvar tarixində Bakuplus.az Nazirlər Kabinetinə istinadən xəbər verir.
Belə ki, avtobus və metronun qiyməti 40 qəpiyə qalxıb. Həmçinin şəhərətrafı və qəsəbələrarası avtobus marşrutları üzrə qiymətlər məsafədən asılı olaraq 0,40-1,00 AZN arası təsdiq edilib. Şəhərlərarası avtobusların tarifi 1 kilometr üçün 2,4 qəpikdən 3 qəpiyə qədər qalxıb.
Tarif dəyişikliyi nəticəsində yaranacaq əlavə vəsait avtobus parklarının yenilənməsinə imkan yaradacaq, xidmətin keyfiyyətinin yüksəldilməsinə və dayanıqlılığına müsbət təsir göstərəcək.
Qiymət artımı ehtiyat hissələrinin idxal qiymətinin və təmir xərclərinin artması və daşıyıcı şirkətlərin maliyyə vəziyyəti nəzərə alınaraq həyata keçirilir.
